Effective ba ang "NO RICE" diet?

 

Bakit nga ba kagaguhan ang no rice diet? Mahigit isang buwan na rin akong tumigil sa pag-inom ng alak kasabay na din ng pakonti-konting pagdiet hanggang netong couple of weeks ago ay naachieve ko na yung simple pero consistent kong diet. May kanin pa din, andun pa din yung tipikal na ulam ng Pinoy pero ano ang nabago sa nakagawian kong pagkain?

2x lang akong kumakain ng major meal a day. 2x? "Bulaan ka (sinungaling ka)" ang tanong ng Bicolano saken. Opo, 2x lang at wala naman nakakagulat dyan dahil marami namang ganyan ang ginagawa. At sa 2x na yan, isa lang dun ang may kanin. Once lang ako magkanin pero 1 to 2 rice depende sa level ng gutom na dala ng trabaho or workout at depende sa ulam minsan. Sa usapang kanin nga pala, pag madami ka kumain ng kanin, sa oras na nagutom ka, talagang gutom na gutom ka. So ano ang next? Kakain ka ng madami (kadalasan ma-carbs na pagkain) or kakain ka ulet ng kanin. So sukatin mo din yung disiplina mo sa kanin kung kaya mo magpigil lalo't sa lunch ka lang kakain nito. Kase sa mga mas bata tulad ng below 30, walang problema. Kaya pa ng metabolism nila pero past 30 katulad ko, good luck na lang sa pag-gain weight

Sa umaga, hindi ako nag-aalmusal. Nagkakape lang ako. Pagkatapos magkape, magwowork-out na ko. Either home work out or tatakbo ako or magbabike, alin lang dun sa nabanggit. I dont go to gym kase mabilisan lang pero 6x a week akong nag-eexercise. Kinda intense up to really intense workout na consistent ang strategy ko. Then yun nga, sa tanghali lang ako kakain ng kanin. Hindi consistent na one rice lang pero consistent na meat or fish at gulay ang ulam (mahirap mag-one rice sa sinigang o nilaga, sa true lang). Then tuloy ang work hanggang hapon. Pag nagutom ako (kapag nagutom lang since minsan kape lang laban na kahit 50 degrees celsius na sa Pinas), nagmemeryenda ako. Turon, banana-que, halo-halo, kwek-kwek, chicken skin etc. Pero never na higit pa sa isa sa mga nabanggit ko, kung isang camote-que, isang stick lang. Kung kape, kape lang talaga. Then iinom ako ng maraming tubig. Actually, umiinom ako ng maraming tubig araw-araw. Tapos work ulet kase energized na. Yung gabi ang medyo may drama nang konti.

Marami ako kilala na intermittent fasting ang ibinibida. Hindi ako naging fan ng sistema na yun lalo na at mine-maintain ko na wag uminom ng alak. Anong konek? Pag gutom ka, masstress ka. Or maaaring hindi naman stress, sadyang hindi ka lang happy. At bilang dating manginginom, ang laging hinahanap ng utak ko ay ang hapiness mula sa alak pag nasstress ako. Dahil karaniwan ay pagod ka pagkalipas ng maghapong trabaho, yung sense of judgement mo o decision making mo ay hindi ganun kagaling. Exposed ka sa mga tukso tulad ng pagkain o alak o anupamang adiksyon mo. Masasabi kong extreme ang intermittent fasting although di ko sya dine-discredit kase marami namang nakapagtunay na effective yun pero not for me. Kelangan ko i-maintain yung normal mood ko para hindi magrelapse. So ano naman ang kinakain ko sa gabi?

Sibuyas na hilaw! Hindi nawawala ang sibuyas sa evening meal ko. Oo may pagka mekus-mekus sya pero at least sa gabi lang at kung amoy ang problema mo, idadigest ko naman yun at ipapawis sa work-out kinabukasan bago maligo at wala naman akong kaulayaw sa gabing pusikit so di ko problema yung amoy. Kung may partner ka naman, magtoothrush and mouthwash ka para iwas amoy (though di nga ako makarelate since singular ako). Now, bakit sibuyas? Ang sibuyas ay tumutunaw ng taba lalo na ng visceral fats na tinatawag o yung taba na nadedevelop sa internal organs natin tulad ng atay. Ang nasabing taba ay biswal na makikita sa bandang tiyan o bilbil kung tawagin ng mga marites. Sa mga lasenggo naman ay beer belly ang tawag dito. Bilang dating lasenggo, sibuyas o bawang ang nilalantakan ko para tulungang mawala ang nasabing taba lalo na yung tinatawag na love handles or yung taba sa gilid ng tiyan. Plus, pag nakatira ka ng sibuyas, hindi ka rin masyado makakaramdam ng gutom so win-win situation. Hindi nga lang talaga siya para sa lahat kase merong mga ayaw nga ng sibuyas.

Hindi naman extreme na pinapapak ko ang sibuyas. Sabi ko nga, wala akong partikular na uri ng pagkain na hindi kinakain during my diet. Itlog na pula, barbeque, isaw, atay, chicharon bulaklak, dugo, pritong tilapia, sisig at iba pa na perfect sa sibuyas, yun ang kadalasan ko hinahanap. Or else kung walang perfect na partneran ng sibuyas, dun ko lang gagawing parang mansanas ang pagkain ng sibuyas. Dahil walang kanin sa gabi, kamote or nilagang saging or maraming gulay. Pag wala yung mga nabanggit na ulam, kumakain ako ng itlog na nilaga. Mga apat na itlog, solid dinner na yun. Pag feeling "Jung Kook" ako, andyan naman yung kimchi at lettuce para lang hindi magsawa sa mga tipikal na Pinoy dishes. Sa gulay andyan ang kangkong or talbos kamote. Ampalaya at iba pang gulay na mura sa palengke, tinitira ko din yan sa gabi. May prutas din syempre pero kung ano yung in season at mas mura, yun ang pinapakyaw ko. Ang idea sa dinner na ito kung bakit solid ang protina ay para sa muscles. Ayoko namang payat tapos lalayo ako sa mga aso dahil baka pagkamalan akong buto. So kumakain ako ng protein packed meal sa gabi para mametabolize sya habang natutulog at magamit sa pag-build ng muscles. Yung fats nila since less carb ako sa gabi, yun yung magiging energy ko sa work out kinabukasan.

Ang concern ng mga solid at nerd na nagdadiet e "puro fats at cholesterol ang diet mo". Ang balik ko naman ko sa kanila, "kaya nyo kumain ng rich in anti-oxidants food tulad ng sibuyas na hindi kayo mag-iinarte in a regular basis?". Dagdag pa dun, kaya nyo bang ipawis yung mga fats na-store nyo sa katawan by consistently doing exercise? May rice pa din daw, dapat daw fiber rich bread eme na lang. Asyano tayo mga kapatid, rice is life!Bakit nyo ba ginagawang academic ang pagpapapayat o paglo-lose weight na parang college student na palaging nagsusunog ng kilay (ooops..yung iba lang)? Simplehan mo lang. Yung attainable at yung achievable lang dapat na diet program. E ano naman kung hindi perfect? Kesyo mas madami yung calories in ko kesa sa calories out. Hindi naman for perfection ang pag-diet e. Opinyon ko lang, kung sumablay ka sa routine mo sa pag-diet, make sure na babawi ka next time. At please wag masyado magastos. May pa-salad salad ka pang nalalaman. Brown rice ka pa at mga non-fat foods na pauso. Wag kang humiwalay sa norms o nakagawian ng nakakarami para lang masabi mo na kase dedicated ka, disiplinado ka at lahat na nang adjectives na bubuo sa pagka-narcissist mo. Tapos pag nakuha mo na yung result na iniintay mo at nakapagpost ka na sa social media, ano na next? I-consider mo din yung social life mo tulad ng kung hindi talaga maiwasan kumain dahil lumalantak sa handaan ang family or friends mo, maki-join ka. Act normal at ipakita mong kasama ka nila. Then if thats a cheat day, bawian mo ng work out next time tapos balik ka sa normal diet routine mo.

Para saken, ang pagdadiet ay hindi dapat maging punishment sa sarili. Food is a reward to ourselves. Kaya nga tayo nagtatrabaho para may pangkain. Ang dami-daming nagugutom sa mundo tapos ikaw, sinusupress mo sarili mo para sa figure at appearance na minimithi mo. Easyhan mo lang. Kontian mo lang yung kain tapos maging active. Or kung active ka na at sapat naman yung pag-burn mo ng calorie, bakit ka magpapaka baliw sa pagdiet? Mga construction workers, magsasaka at iba pa na highly demanding sa calorie, wala naman silang diet program na sinusunod pero bakit bato-bato katawan nila? Kung hindi naman pisikal yung routine mo araw-araw, bakit ka magko consume ng madaming carbs? Yun pala e gusto mong mag weight loss, bakit tamad ka mag-exercise? Yung excuse, hindi ka naman papapayatin nyan e. Tsaka sa kaka-excuse sarili mo lang din naman niloloko mo.

Sa point of view ko na to, pasensya na sa tatamaan. Hindi naman talaga tayo pare-pareho ng mindset sa subject matter na to and I respect our differences. Personally, ang main goal ko talaga ay tulungan ang atay ko maka-recover mula sa dating alcohol abuse ko through diet and exercise. Pero hindi ko ibe-ibetray ang kanin kahit kelan kaya rice is life pa din pero in moderation syempre. Mahirap paniwalaan lalo na ng mga anti-rice people dyan yung mga changes sa physical appearance ko sa kabila ng pagiging rice lover ko pero I post pics sa socials from time to time and judge nyo na lang (dyan naman kayo magaling. char). With rice or no rice, its up to you. Kung alin yung feeling mo e effective sayo, go lang. All in all at ang mahalaga, magdiet ka at mag-exercise para sa health mo at hindi para maging angat ka sa iba at maging center of attraction.

Walang magrerelapse! (My Anti-Tagay Journal) Alcohol free - Week 5

Isang malungkot na balita ang nakarating saken. Isang kaibigan na naman ang namaalam dahil sa alcohol abuse. I met him back in 2015 at kasama ko sya palagi sa inuman. Dati syang relihiyoso at dedicated sa christian church nila hanggang nagkanda letse buhay nya dahil sa family problem. Dahil sa alcohol addiction, nakita syang nakabulagta sa dating riles ng tren sa lugar namin na wala nang buhay. Kinakitaan sya ng sintomas ng epilepsy dati at marami ang saksi kung gaano sya kadalas inaatake nito. May suspetsang inatake sya sa lugar na yun at walang nakakita kaya hindi sya agad narescue. Nakakalungkot pero hindi nagkulang ang mga nagmamalasakit sa kanya sa paalala na tigilan na ang alcohol pero sadyang hindi sya huminto. Totoo naman kaseng napakahirap iwanan ng adiksyon lalo na kung hindi ka 100% na desididong iwan ito. Nawa'y nasa matiwasay na syang lugar.

Sa mahigit isang buwan ko nang pagtigil sa pag-inom, araw-araw pa rin akong nakikipaglaban sa relapse. Nung una e sadyang pure defensive ako at talagang very by the book sa pag-iwas sa alak pero nang marating ko ang milestone na ito, naramdaman kong unti-unti akong nagiging relaxed. Relaxed in a way na parang nagiging over confident ako na kayang kaya ko at hindi na ko babalik sa pag-inom. Wrong. Hindi ako dapat maging complacent at dapat laging aware na nandyan lang ang mga triggers para magrelapse. Kapag may attack ako ng temptation, ipinikit ko mata ko at humihinga ng malalim at sinasabi sa sarili ko na vulnerable ako at kelangan ko maging matibay. Kinakausap ko sarili ko at ipinapaalala ang mga kumplikasyon na nakuha ko sa alak at kung bakit hindi na dapat ako bumalik sa habit na yun. My inner demon will sometimes try to convince me na "Ok na naman pakiramdam mo, wala na acute gastritis mo, di ka na highblood, inom ka na ulet brod. Kundisyon na naman ang bahay alak mo.". Then suddenly mumurahin ako ng isang parte ng utak ko,"tang-*** ka wala ka na ba talagang respeto sa sarili mo?" na siyang magtataboy sa demonyong bumubulong saken. Respeto sa sarili ang pinaka key word ko tuwing nakabitin ako sa pisi ng tukso papunta sa pag-inom muli ng alak. Sa alak, mapapraning na naman ako at makakagawa ng mga stupid na mga bagay. Mawawala na naman ako sa focus at kung anu-ano na naman ang makokompromiso ko, hinding hindi na ko babalik dun. Kaya naman eto at mas lalo kong pinapalalim ang pag-intindi ko sa sarili ko. In particular, pinag-isipan ko kung ano nga ba yung mga matitinding triggers na dapat kong labanan at ano pa yung mga solusyon na nagwowork saken na dapat ko pang pagtibayin? So far heto yung mga narealize ko nagsesave saken at sure nagwowork:

Isolation - By nature, loner talaga ako. Mula pagkabata ko, I enjoy solitude. I have a rich imagination at masaya ako pag nakakagawa ako ng mga bagay-bagay sa imahinasyon ko, sa sarili kong mundo. Sa pag-iisa, narerecharge ako mula sa pakikisalamuha sa mga tao sa mahabang oras kaya kadalasan nasa bahay lang ako or anywhere basta alone. Ang problema, minsan, nasosobrahan ako ng isolation. This was my habit na nag-introduce saken sa mundo ng paglalasing mag-isa. At kahit netong mga nagdaang linggo nagdecide ako tumigil sa pag-inom, unconsciously, bumabalik na naman ako sa masyadong isolated lifestyle. Ang napansin ko, social media ang alternative na pwede mong gawin pag tamad kang lumabas. Pero hindi healthy ang social media. First it will trigger your negative emotions mula sa past. It can remind you of bitter experiences na unang titirahin yung emosyon mo then magiging moody ka and on my case, napakadali lang nito maglead sa pag-inom ng alak. Therefore, nilimitahan ko ang pagscroll-scroll and when it comes to communicating with people, I'd rather do it face to face.

Go out and interact with people. Makipagkwentuhan ka like its 1990s or early 2000s. Talk to people kahit sa strangers and see their realtime and genuine reactions. Kahit mga small talks lang pero positive at in the end e magdudulot ng ngiti e sapat na. Nabanggit ko na tumatakbo ako sa village at minsan nagiging conversation piece yung ginagawa ko like lalaban daw ba ako ng boxing. Tatawa lang ako, hihinto saglit at makikipaghuntahan tapos tatakbo na ulet. Kapag tumakbo ako sa hapon, andyan yung mga nagtitinda ng barbecue na paborito kong tambayan at yung mga nanay na magiliw na kahit di ko naman kelangan yung mga marites insiders nila e nakikinig ako at nagrereact. Syempre di maiwasan yung mga marites na medyo makati at kung hindi sila e yung anak nila ang irereto saken, yung mga ganung tipikal na Pinoy laptrip moments? Priceless yun. This is actually me revisiting and reembracing my old self. Ganito ako kagiliw dati sa mga tao nung hindi pa ko lango at nararamdaman kong narerestore ko na naman ang positive character na ito. Therefore, pag ramdam mo na na masyado kang isolated, wag social media ang gawin mong outlet. Walang katumbas ang aktwal na pakikipag-socialize sa tao.

Stress - Kahit manginginom ka ng alak or hindi, pag na-stress ka, makakaapekto yun sa kakayanan mong magdesisyon. What more kung bago ka pa lang humihinto sa pag-inom ng alak at nastress ka? Iinom ka na lang ulet para labanan yung stress? Ang stress ang pinaka nagchallenge saken sa mga unang linggo ng pag-stop ko sa pag-inom at bagamat naiintindihan ko na ang sarili ko tuwing umaatake ang stress na dapat kalmado lang ako, hindi pa rin ako nagpapaka-kumpyansa. Sa psychology, may tinatawag na fight or flight na kung saan pag dinatnan ka ng stress, lalabanan mo ba or tatakasan mo na lang? Pag pinili mo yung huli, maaaring gumawa ka ng mga bagay na extreme tulad nga ng pag-inom ng alak na ibig sabihin e hindi ka nag-fight. Sabi nga ng tropa mong concern di ba, "iinom lang natin yan tol". Its bullsh*t kase bilang isang dating manginginom, lalo lang tataas anxiety mo plus di naman nawala yung problema pagbaba ng tama mo. Kaya nanghinayang din ako sa mga pag-takas na ginawa ko sa stress sa pamamagitan ng alak. Ang dami kong nasayang na oras na sana ay ginugol ko sa paglaban at pagresolba ng mga naging stress ko. So paano ba lalabanan ang stress?

Sa tulad kong nais mamaintain ang alcohol-free lifestyle, hindi ko mairerekomenda ang paglamon. Para saken ang pagkain ng madami ay isa ring uri ng pagtakas sa stress. Ang the best na gawin ay mag-exercise at subok ko na yan. Kahit anong magpapapawis sayo, magbabawas ng stress mo yan. Then magbasa ka or makinig or manuod ka ng mga pang-may utak na podcast or vids at hindi yung mga gawa ng mga Pinoy content creators na puno ng kabobohan. Iwasan mo din yung mangalap ng mga tsismis kase sa totoo lang san mo ba gagamitin yung mga impormasyong nakalap mo tungkol sa buhay ng iba? Sa madaling salita, i-train mo yung katawan at isipan mo. I'm not saying na hindi nakakawala ng stress yung panunuod ng mga nakakakaaliw kahit hitik sa kabobohan. Relatable, catchy at madaling i-absorb ng utak di ba kaya nakakawala ng stress. Ang tanong e anong parte ng utak mo ang kayang patibayin ng mga kabobohan na yun? Try mo kayang magbasa o makinig sa mga motivational topics. Try mo kayang alamin kung paano mo pa maeenhance yung skills mo or tumuklas ka kaya ng bagong skills or hobbies. Kumanta ka kung mahilig ka kumanta. Sumayaw ka kung mahilig ka sumayaw. Mag-gitara ka kung gusto mong tumugtog. Anything na makakatulong sayo to have the mental toughness. Ang narealize ko sa stress, utak talaga ang pinaka panglaban dyan. Sa alcohol, pumurol lang nang pumurol ang utak ko hanggang hindi na ko makapag-cope up. Ngayon, ginagawa kong sandata ang tibay ng pag-iisip para labanan ang stress at para labanan ang tukso na dala ng alak.

Mga pagbabago- Breakups, single ka na naman, di ka makamove-on ay ilan lamang sa mga pagbabagong masasabi kong common na nagtetrigger ng alcoholism. Syempre andyan yung pagbabago sa trabaho or at worst nawalan ka ng trabaho at marami pang ibang halimbawa na nagtetrigger ng stress pero mainly ay cause ng pagbabago na ang ilan ay hindi natin control. May mga positive din na mga pagbabago pero hindi positive ang epekto lalo na sa mga nagnanais huminto sa alak. Tulad ng bagong kaibigan na bad influence or bagong grupo na kelangan mong pag-adjust-an. Marami pang halimbawa na hindi ko na iisa-isahin bagkus ay i-check natin paano ba tayo mananatiling alcohol free sa kabila ng nasabing trigger?

It took me months to cope up sa break up na pinanggalingan ko. Within those periods, nagtry akong tumigil sa pag-inom ng alak kase alam kong yun ang lumalason sa akin at nagko-cause ng pagbagal ng recovery ko pero bigo ako. Nung finally tumigil na ko sa pag-inom, unti-unti na kong bumalik sa normal. Sobrang bilis ng pagbalik ng ulirat ko sa reyalidad and without a single drop of alcohol sa sistema ko, nakamove on agad ako. Saan pumapasok yung relapse dito? Papasok ang relapse kung hindi mo eenjoyin ang transition na ginawa mo from being broken to being ok. Ito yung isang pagbabago na kaya mong kontrolin sa pamamagitan ng hindi muna paglandi. Dahil sa break-up, naging alone ka. E di enjoyin mo yung pagiging single. Gawin mong normal na single ka sa mahabang panahon. Kung magbago man ang takbo ng sitwasyon at magka-lovelife ka ulet, make sure na hindi mo finorce mangyari at nangyari yun naturally. Ninamnam mo yung bawat aspeto ng change na yun at alam mo na ang dapat gawin sa sandaling mangyari ulet yun. Hindi ka na magrerelapse.

Yung mga pagbabago na hindi mo masyadong kontrol or wala ka talagang control at all, hindi yun dahilan para magrelapse ka. Dyan na papasok yung disiplina na applicable naman sa lahat nang sitwasyon pero mas kailangan mo sa mga bagay lalo na di mo kontrol or di mo gamay. Manatili kang compose, pag-aralan mo with clear mind at hindi lasing. Kung may mga bago kang kelangan pakisamahan na malakas mag-impluwensya, magpakilala ka na agad sa kanila at kunin mo yung respeto nila. If the change is triggered halimbawa bigla kang nabunkrupt, stressful yan. Dyan na papasok yung binanggit ko sa taas na mag-ipon ka ng knowledge and learn how to bounce back. If the change is positive at halimbawa bigla kang sumikat as influencer at nagkaron ka ng madaming pera, nagkaroon ka ng matinding pressure sa circle ng mga kalevel mo, prove to yourself na may paninindigan ka at respeto sa sarili na hindi ka na babalik sa pagiging gumon sa alak.

Ang mga nabanggit ko ay nag-aapply lamang sa mga taong nasadlak sa adiksyon at umiiwas sa tinatawag ngang relapse. Ang moderate drinkers siguro ay hindi makakarelate pero congrats sa pagmaintain ng pagiging moderate drinker. Wala akong against sa inyo, just keep it up. Basta wag nyo kalimutan na lahat ng heavy drinkers ay nagsimula sa moderate.

Sa ngayon, yan ang mga ideas na naisip ko kung paano ako mag-cope up at nasa process pa din ako ng pagpapatunay na effective yang mga yan at magwowork yan. Nakasalalay ang credibility ko sa mga nasabi kong yan pero higit sa lahat ay ang self-respect ang nais ko talagang i-establish dyan. Its another set of challenge na dagdag sa kuleksyon ng mga hamon na nais kong pagtagumpayan. Sa puntong ito, ineencourage ko pa din ang kahit sino na magsaliksik para sa mga sarili nyo kung ano ang best methods ng alcohol abstinence na pwede nyo i-adopt kase iba-iba naman tayo ng hugot. Basta ang masasabi ko lang, seryosohin natin to. Sana paglaon, magkita-kita tayong nasa mas maayos na kalagayan na may pride at taas noong ipinagmamalaki na nagtagumpay tayo sa hamon na to.

Win Each Day! - Alcohol Free Day 30 (#365_Days_Alcohol_Free_Challenge)

Presenting my first milestone on this journey! I'm on a day 30th of not even a single drop of alcohol enters my system.Wow! This time, let me tell you a detailed story on how I fight each day to be alcohol free and how determined I am on getting through this challenge.

Just a little recap on why I'm so driven to achieve this challenge for those who don't understand my language (as majority of my posts are in Filipino). I've been alcoholic for years and it already destroyed a lot from me e.g. career/jobs, health and relationships. I've gone through the most difficult 72 hrs of my life when I decided to quit drinking that the anxiety level almost made me quit on life. My love ones saved me when I wholeheartedly opened up to them about my problems and how I wanted to turn my life around. The first critical part of quitting addiction is the support system which thankfully I already recognized. On this vital element though, you have to set aside your pride and ego and be completely submissive to everything that they are about to say as it varies from culture to culture (I believe). I remember my mom mocking me and belittling me when I opened up to her but then showcased tough love and opted to emphasize her full support by challenging me to maintain or even surpassed the respect that they still have on me. She said she’s tired of me fooling around about quitting for years but not showing seriousness of any level so she hopes this time its for real and I will finally be able to make her proud. She walked me through about how my uncles, cousins and other relatives died from alcohol through various alcohol-related diseases and it was hard for her to lose yet another love one due to alcohol. My mother’s statement is the strongest one compared to my siblings and friends as she’s still coping up from the lost of my father and sister just couple years ago. My father died due to heart complications due to years of smoking and drinking and my sister followed due to breast cancer which may not be alcohol related but a reminder that I’m not a special case and more vulnerable to related illness if I don't quit alcohol. That conversation with my mom whom I haven’t had such type of conversation with for years really raised the bar on how serious should I become on this journey. I bet you too at some point needed inspiration and uplifting motivational words from somebody and parents will certainly not let you down. You just have to prepare yourself on some harsh words at the beginning but its all love overall. Trust me on that.

As I go along on my journey to zero-alcohol intake on the first 365 days, there are heroes who unexpectedly took the spot to help me out. Friends whom I hadn’t had contacts for years sent words of encouragement when I posted my cause in social media. I appreciate their support and pressure grows on why I need to prove that I can as my reputation is on a stake. A very unexpected individual who joined my support system squad is my ex’s mother whom had been always welcoming and exceptionally nice even from day one that I was introduced to her. Apparently, she lost her husband due to alcohol abuse and have so much to say about quitting such substance as the cost is truly enormous both to the person who abused it and to his/her love ones. She said that she could’ve added more enthusiasm and perseverance on convincing her now deceased partner to quit alcohol while she still can. She demonstrated feeling of guilt and regret when it was already too late when she figured she could've tried harder to make him quit but decided to move on and learn from it. She made me think that abusing alcohol (or any kinds of toxic substance) is also a form of selfishness on some extreme situations as you exchange the love of the ones who care for you with the pleasure you get from your vice.  It really touched my heart and just like my mom’s unconditional love, she portrays a very transparent and sincere act of encouragement out of her own experience. Additionally, she said that I’m no stranger at all to them and she wishes that I succeed on this cause as it’s me who’s going to reap the fruit of my hardships at the end of the day. Speaking of fruit, she would give me stuff that are good to my health (melts my heart really) and never fails to cheer me up on each development on my physique and overall character as this journey goes along. A truly exceptional person I must say and it might be ironic and some might find it awkward or cringey but hey, I count each and every support that I get from people and I don’t discriminate. Humility will take you far on whatever journey you choose to have and as long as you’re in good conscience that you can return the favor in one way or another, you are in a good spot. They are also a family to me and I make sure that even in a small way, I get to bring them smile and joy.

I can’t stress enough how support system plays a vital role in this change that I’m trying to impose to myself. Even my landlord who supplies my booze in almost everyday basis when I was at the height of my intoxication showed support instead of raising their eyebrows. I contribute to a large chunk of their income from selling booze to their tenants but when she noticed that I’m no longer buying “redhorse” (a brand of beer) from them and instead saw me running around the village often, she showed a high level of support and also encouragement that I keep doing what I’m doing. She’s my number one fan now and who needs a weighing scale when someone is persistent on letting you know in everyday basis whether you are gaining weight or not? Thankfully and according to her, she cannot see my beer belly anymore and I keep looking better each day. Now she’s scolding her grandson who keeps gaining weight due to slacking and overeating and wants him to join me on my morning runs. But he's still a teenager and I was once like him who don’t give a sh*t. Hopefully one day he joins me though as it’s going to be fun for sure.

My training regimen is not a joke. I mentioned in my previous post how I crave for motivational contents and I consume them real time. I work out before and after work each day with a day rest on Sundays for some spiritual related stuff. I don’t do it out of impulsiveness (which I always make sure of), instead more on a habit-forming activity. Like I would run (or do cycling) in the morning then do some home work outs in the evening. Consistency is what I’m after as well as discipline which I vow to attain slowly but surely. Hence, I do things gradually and make sure I won’t be burned out by slowly adding intensity each time. I’m not gonna be in a body building competition and I’m not crazy about that instagramabble bullsh*t so I train just enough for my body to get better and my mind to kick the desire for alcohol. Running clears mind and I was skeptical at it at first but it really works to prevent relapse. Speaking of relapse, I always tell myself that this tendency is just always around the corner and I have friends who will always challenge my perseverance but I count them as well as my motivation. While its still hard to refuse them, I make sure that I decline politely and hopefully one day they appreciate what I’m doing and apply to themselves too. I get praise from some of them as the physical transformation is slowly becoming visible while others express insecurities but not showing any hint of trying for themselves though that’s their own business. Moving on, the only challenge that I’m still battling on my daily regiment is sleep. My circadian rhythm is still unstable and I still suffer from sleep deprivation sometimes. I learned that it is normal for those who had been into deep alcohol problem so aside from measures to combat such discrepancy, I see to it that I don’t relapse as I’m already aware that sleep is not my friend. I’ve been a nocturnal for a very long time as I used to work at night so I’ll let time to take over mostly on the sleep department which I believe is achievable as long as I’m consistent on these good habits. I’m very aware that when you lack sleep, you’re decision making is in jeopardy and decision making is vital everyday whether you will cheat on your diet, skip exercise or at worst whether you’ll have at least a sip of booze to mention a few. I remember someone gave me melatonin before to help me sleep, as you consume it though through time, the tolerance grows and it becomes less effective. Still shout out to her for such a show of concern but I now prefer the natural way of falling asleep. Additionally (and this is just my observation), I tend to feel groggy and less active after I wake up from melatonin and feeling less active so its against my new found regimen, such pill is not for me.

This post is getting longer and I still have so many things to say but I don’t wanna sound like I’ve already achieved so much. I’m still a work in progress and I wake up each day with such mindset to boost my desire to keep working to be better. For now, support system is the most vital for me which helps my mental health and relationship with people to improve. I can now talk to people eye to eye with genuine reactions and spontaneity. I used to be very moody, easily irritated and easily offended but not anymore through the course of this sobriety. In fact, I welcome criticisms with open heart and draw something positive from it. Next is my physical activities which provides an obvious transformation and help me gain a bit of instant respect from people who used to see me as bloated, plump, drunkard bloke. I avoid excuse to not move my a*s and sweat. Like I said, I’m not particularly after having a chiseled, tiktok worthy like body so I don’t bother taking time to prepare and pay for the gym except maybe if the weather or the place is not conducive for a workout. But remember Mike Tyson maintained to be in shape even during his prison time which means you can pretty much work out anywhere, no excuse. I aim to share my diet, my choice of food on my next post but expect that its not that fancy or spectacular like what you see in youtube or facebook. One thing for sure, having no alcohol helps you lose weight. Also, I don’t do intermittent fasting. I thought that one deprives my dopamine release which is critical for someone who’s avoiding relapse. Overall, I feel great!

I do believe that I’ve already laid out the foundation and no one can stop me to solidify it and make it robust to stand challenges brought by temptations. I tell to myself each day that I didn’t choose this change because I need it, I want it and I want it really bad. I feel like a pressure being put to one’s self is enormous if a thing they want to implement is out of a great necessity. You have to like what you are doing so you can do it with greater and satisfying result. Lastly, don’t forget that small victories count so win each day. A day without alcohol is a day of victory!

LDR (Long Distance relationship) - Binalikan ko ang dati kong isinulat tungkol dito at na-surprise ako...

 

Sinilip ko yung ibang topics na sinulat ko dati nung hindi pa malala ang pagiging alcoholic ko para ikumpara panu ako mag-isip nun kesa ngayon. Wow. Parang mas may sense pa ko nun kesa ngayon. Hindi naman sa pagmamayabang pero dati, ok ang thought processes ko at kahit ako humanga sa mga dati kong naisulat. Ngayon, patuloy na gumaganda ang estado ng mentalidad ko, unti-unti nang nanunumbalik ang dating "sense" ko (a month sober and counting). Heto nga at himayin natin ang pinagsasabi ko sa entry na to nung 2018 at gaano ba ito kaakma sa pinagdaanan ko.

Sa sinulat kong "Signs na HINDI ka Bagay sa Long Distance relationship (LDR)", ako mismo ang tinamaan sa sa mga argumento ko dito. Lalo na sa ika-4 na reason kung bakit sablay ka sa LDR, nabanggit ko yung pagiging warfreak o mainitin ang ulo. Ni sa hinagap ay hindi ko nakita na ako din ang tatamaan ng naturang pahayag. Pero ang naging kulang ko sa argumento na yan ay ang "adiksyon". Adiksyon sa mga substance na nakakapagpabago ng karakter natin at way of thinking like drugs pero on my case...alcohol. So magfocus tayo sa alcohol at kung paano ba ito nakakadagdag sa pagiging iritable natin. On my case, hindi ako naturally warfreak. Alam ko yan dahil nung 2018 nang sinulat ko yan, on the rocks kami ng ex ko na nuon ay nagdesisyon kaming maging LDR to find ourselves. Halos lahat ng reasons ko dyan ay patungkol sa kanya. Sya yung yung palaging galit at iritable, sya yung palaging nag-checheck at sya rin yung palaging wala sa mood. She's a party girl na halos halos gabi-gabing lasing. Hindi pa ko ganun kalulong nung time na yan pero pag nakainom ako, nagka-clash kami until tuluyan na kami magkalabuan at naghanap na nga sya ng iba.

Kapag uminom ka ng alak, ang pinaka kritikal na maaapektuhan nito ay ang iyong frontal lobe. Ang frontal lobe ang bahagi ng utak na responsable sa abilidad mong magdesisyon at magkontrol sa mga gusto mong gawin o sabihin. Pag nakainom ka na ng alak, since dominado na ng alcohol ang frontal lobe mo, lalabas yung mga negativities mo na mainly nanggaling sa amygdala (emotion center ng utak). *Bago ko ipagpatuloy ang explanation, hindi po ako expert at baka ma-bash ako ng mga psych major dyan pero nagturo ako ng general psychology sa college at kahit gasgas na yung memorya ko, tinatry ko best ko pero welcome sa correction po mga kapatid, kung may mali man akong nasabi. Anyway, pag sumirit na yung emosyon mo, mawawalan na ng kontrol ang utak mo at sasabihin mo yung mga nakakatoxic at nakakasakit na words. On some occasion pag smooth naman yung tama ng alcohol at wala naman kayong conflict, nagiging super lambing naman ng isang partner (insert "Pag Lasing, Dun ka lang Malambing" by Mayonnaise). Pero lets focus sa negative na resulta ng alcohol sa negative na emosyon pag amats na at tulad nga ng sinasabi ko, pag ang lalaki na ang naging madada at naging "kupz" sa chat or sa call, better check kung lasing ba yan or meron nang problema sa alcohol. Hindi lang lasing ang nagkakaproblema sa utak kungdi yung mga matagal nang umiinom so take note of that as well. So minsan kahit hindi sya nakainom, matalim pa rin sya magsalita at walang pakelam sa feelings mo kase baka alcoholic na sya. Although hindi natin inaalis yung posibilidad na baka ganun na talaga ang karakter nya kahit wala namang substance abuse. No hate sa mga babae, madalas kahit wala namang alcohol problem, ang parehong sintomas ng epekto ng alcohol ay minsan nakikita sa kanila. I'm saying na hindi lahat ay alcohol related sa ibang tao. Pwedeng sobrang lalim na talaga ng pinaghuhugutan or sadyang overthinker lang. Wag din nating alisin yung posibilidad na sobrang stress yung tao at ang stress ay nakakapagpago din ng takbo ng utak at disposisyon.

While its highly advisable na palaging klaro ang pag-iisip natin (na dapat naman talaga sa lahat nang pagkakataon pero in this case sa LDR), sa bandang huli, naniniwala pa din ako na kung para kayo sa isa't isa, kayo talaga. Kahit anong pagdaanan nyong pagsubok malapit man o malayo kayo, malalagpasan nyo at mamamayani yung pagmamahalan nyo. Kung talagang kayo ang para sa isa't isa, walang distansya na magpapahiwalay sa inyo. Kase pisikal lang na aspeto yung kulang pero yung mga damdamin nyo intact pa din at kunektado pa din sa isa't isa. Ang isa pang kulang sa mga nasabi ko sa previous post ko ay yung malalim na karanasan kaya hindi ko napin-point yung pinaka-main ingredient na dapat ay hindi mawala sa LDR at yun ay ang genuine, authentic, dalisay kumbaga na pagmamahalan. Broad? Masyadong vague? Pero sabi nga ni Lao Tzu "we cannot comprehend the infinite" so bakit natin pag-aaksayahan ng oras na i-define ang love sa kabila ng madaming posibilidad na kaakibat nito? Kase kahit anong paliwanag ang ilapag mo dyan mapa syentipiko o pilosopikal, hinding hindi mo maaarok (solid managalog) o maiintindihan ang lawak o pagiging kumplikado ng tao at relasyon. May nagcocompromise, may nagsasakripisyo, may nag-aadjust nang malala, may nagtitiis para tawirin yung gap at punan yung pagkukulang maresolve lang yung conflict. May nagiging martir at nagtyatyaga sa pagiging one sided ng relasyon ma-sustain lang (though extreme na to pero it works sa iba so respect pa din). Anu't anupaman ang mga naging kasangkapan o paraan para magsurvive ang relasyon ng ibang tao, wala rin naman tayong karapatan na manghusga o makelam kung hindi naman tayo naaagrabyado. Nalilibang tayo pag may namamarites tayong mga relasyon pero hanggang dun lang kase tanging yung mga taong involved lang sa relasyon na yun ang nakakaalam ng mga katotohanan. Minsan nga kahit sila na mismo, hindi rin nila maipaliwanag bakit mahal pa rin nila ang isa't isa so bakit pa tayo makikisawsaw?

Mas malaki ang challenges na nakaatang sa  LDR na set-up. Yung mga common na payo, "constant communication lang" daw, sana ganun lang kadali talaga. Honestly, wala talagang perfect na formula para masurvive ang LDR. Panatilihin mo yung optimism mo, yung faith mo sa inyong dalawa pero wag kang lalayo sa reyalidad. May tendency na sa times na may problema kayo, imbes na maging rational ka, gumagawa ka ng alternative reality. Wala kang full control sa inyong dalawa at last time I check, hindi diktadurya ang tema ng intimate na relasyon at hindi mo hawak ang pag-iisip nya. If you get used to dwelling sa mga unrealistic na approach mo, once tuluyan na kayong mag-fail after trying so much, mahihirapan ka nang husto makarecover. Kaya naman just make the most out of each time na kayo pa. Kung mahal mo sya mapa LDR or non-LDR, treat him/her everyday na parang yun na yung huli. Iparamdam mo yung pagmamahal mo ng walang pag-aalinlangan at buong-buo sa bawat araw. Ipanalo mo yung relasyon nyo each day. Piliin mo sya each day at tratuhin mo sya ng may respeto at pag-unawa. Trust me, kung hindi man pumabor sa inyo ang tadhana, at least hindi mo na kelangan ng alternative reality. Nakapag establish ka na ng solid with someone you once dear and loved the most na bagamat kasaysayan na lang ay totoong reyalidad na masaya, puno ng kulay at hindi nakakastress kung sakaling sumagi man sa'yong alaala.

Safe bang kainin ang balat ng mangga? Usapang anti-cancer tayo.

 

Paano naman ako napunta sa topic ng mangga? Well, since nag-stop ako uminom ng alak, naghanap din ako ng pwedeng ipasok sa sistema ko na healthy at lalong magpapabawas ng craving ko sa alak. Also, since ang tagal kong nalulong sa alak e hindi ako nakakasigurado sa risk ng cancer na isa sa mga kumplikasyon nito so naghahanap talaga ako ng panglaban dito. Kaya bukod nga sa pakwan, saging na syang palagi kong nakikita sa tabi ng kalsada, ngayon ay eto at panahon na naman ng mangga at panahon na naman para-mastress yung officemate mong hugis mangga na laging binubully. Anyway, dinaig ko pa ang naglilihi at bigla akong nagcrave so nagcheck ako ng pede mahingan o mabilhan ng mangga na organic at natural, walang pesticide. Baket? Kase may habit ako na pati balat ay kinakain ko at hindi mo gugustuhing kainin ang balat ng mangga na hindi ka sigurado kung saan nanggaling. Thankfully may mga friends tayo sa Norte na napaka sweet (kasing sweet ng mangga nila) na hindi ako binibigo tuwing panahon ng mangga at palagi akong pinapabaunan pauwi mula sa mga puno nila.

Nagsimula akong kumain ng balat ng mangga nung bata ako. It was 1998 at talagang napakahirap ng buhay. El Niño na malala na nagpahirap sa mga magsasaka at idagdag pa ang Asian Financial Crisis na nakaapekto din sa Pilipinas. I grew up in Bicol at talaga namang kung usapang prutas kasama na ang mga weird at bihirang makita sa ibang lugar e maaamaze ka sa probinsyang kinalakhan ko. I remember eating pili na hindi lang yung laman, pati balat basta lalagain muna. At dahil nga tag-gutom at hindi katulad ng mga kabataan ngayon na hindi pinapansin ang mga prutas, kami noon ay talagang "nagpo-fruit bearing trees hopping". Dahil din sa kakulangan ng bigas at ulam, e napili namin magmukbang na lang ng mga prutas. Isa ang mangga sa mga pinakapaborito ko pero kung kakainin ko sya on the spot na wala akong dalang kutsilyo, its either babalatan ko sya ng ipen or iuuwi ko na lang. Meaning maglalaway ako habang pauwi sa bahay at hindi sya ok. Then natuklasan ko na itong indian mango or paho kung tawagin samen ay hindi naman pala ganun kapangit ang lasa ng balat. So kinakain ko sya kahit pagkapitas pa lang at mula noon, hindi na ko nag-aabala na balatan pa ito. Bukod sa less hassle, dagdag laman tiyan pa. Pero syempre pag hindi fresh at nabili lang sa fruit stand, hinuhugasan ko ng mabuti kase di ka nakakasigurado kung may pesticide yan. Though later on, mas gusto ko na yung mga mangga lang sa palibot ng bahay na sure na hindi inisprayan at safe kainin ang balat. Check mo din kung may allergy ka sa balat ng mangga lalo na yung mga friends natin dyan na maseselan. Baka bigla ka na lang mamamantal at mangati. Base sa pag-aaral, maaaring may allergic reaction ang iba sa balat ng mangga so ingat.

Bakit ka naman kakain ng balat ng mangga kung may bagoong ka? Well kanya kanyang taste yan. Hindi ko trip ang may bagoong. Asin lang or kahit walang asin, talo talo na. Base sa pag-aaral, may compound sa balat ng mangga na baka magpabago ng isip mo tungkol sa hindi pag-kain nito. Ito ang tinatawag na triterpenes at triterpenoid na pawang anti-cancer at anti-diabetes. Bukod sa mga bagay na yun, mayaman din sa fiber ang balat ng mangga so idagdag mo pa yung laman, baka mas maging mabilis ka pa kesa sa PLDT. Kidding aside, fiber is good sa digestion para sa mga tulad ko dyan na nagkaroon na ng problema sa tiyan, try nyo ang balat ng mangga. Meron ka pang vitamins A, C, E at B6 pati potassium at copper na matatagpuan sa mismong laman na kung titirahin mo din yung balat, may parehong uri ng vitamins na madadagdag plus yung anti-cancer at anti-diabetes na sa balat lang matatagpuan. So kargado ka ng bitamina at minerals, may anti-oxidant ka pa na panlaban sa alta-presyon at iba pang heart disease.

Pero muli, may kanya-kanya tayong preference sa pag-kain ng mangga. Suhestyon ko lang naman kung trip mo din kainin yung balat ng indian mango (again indian mango lang ang matotolerate mo ang lasa pero i-try mo din yung ibang uri ng mangga kung matitripan mo yung balat). Para saken, oo medyo mapakla yung balat pero yung health benefits na ngayon ko lang narealize (dahil dati nga e dala lang ng tag-gutom), baka i-consider mo din na kainin. Personally, anything na anti-cancer na pagkain, go ako.

Advance thank you na agad sa mga friends pa dyan na nais magbahagi ng mga sobra nilang mangga or kung may tip kayo kung saan pede makabili ng bagong pitas at walang pesticide, timbrehan nyo naman ako. Happy mangga season sa lahat at nawa'y maging source ng nutrisyon ang mangga, hindi ng pangbo-bully. Ok? Kung medyo mahaba ang baba nya, be nice na lang. Perfect ka? :D

Bakit mahirap para sa Pinoy ang tumigil sa pag-inom ng alak?

Bago ang lahat, SALAMAT sa mga nagpaabot ng suporta at encouragement! Mahal ko kayong lahat!

For today's topic, pag-usapan natin kung bakit nahihirapan ang isang "machong Pinoy" sa pagtigil sa pag-inom ng alak? Sa salitang "macho" pa lang, may idea na tayo sa bagay na yan. Sa sosyolohikal na opinyon, ang mga Pinoy ay heavily influenced pa din ng kulturang namana natin sa mga Kastila na kung saan, party is life! At i-combine mo yan sa patriarchal culture na impluwensya din ng nasabing mga dayuhan at meron kang perfect recipe para sa hindi masasawatang pag-inom lalo na ng mga kalalakihan. Ayokong magpaka-academic dito dahil topic ko yan sa mga susunod ko pang entries pero just in a nutshell, sa society na dominated ng mga lalaki, kakaunti lamang ang cases na tumigil sa adiksyon (alak in particular) ang isang lalaki dahil sa impluwensya ng babae. Ire-realtalk kita at sasabihin ko to hindi galing sa aklat kungdi sa sarili kong experience at observation. 

Titigil sa pag-inom ang Pinoy kung:

1. May health problems na (high blood, liver disease, stroke etc.)

2. Naging relihiyoso at nakilala si Jesus.

3. Be-breakin na ng gf o asawa dahil hindi na lang sya ang naaapektuhan kungdi pati sila.

Sa tatlong nabanggit, yung unang dalawa lang talaga dyan yung madalas na dahilan. Yung pangatlo, pinapaabot na nila yan sa hiwalayan kase malamang sa malamang, may mga pisikal at verbal nang violence na involve dyan at talagang di na kaya. Habang meron namang iba na naaagapan pa at nasosolusyonan bago pa humantong sa hiwalayan. Btw pag naghiwalay na, lalo lang lumalala ang pag-inom. Maswerte na kung marealize nya agad na ginagago nya lang sarili nya at kelan nyang magrecover at magkaron ng redemption.

Sa kabilang banda, madami pa din naman na nagkakaroon ng internal realization at sa pagputok ng salitang "mental health" na bihira namang mabanggit kahit nung early 2000s, e nagkaroon na ng awareness ang madami na kapag itinuloy tuloy nila ang pag-inom e lalo lang lalala ang depression nila hanggang hindi na sila mag-function ng maayos lalo na sa pakikipagrelasyon sa kapwa mapa-intimate o iba pang uri ng relasyon. Pero sa kulturang Pinoy na wala naman talagang alcoholic dito, lahat ay moderate lang, wala tayong mental health problem. May mga nagsesuicide, may mga naaksidente, may mga nakakagawa ng krimen pero chill lang. Sa sobrang chill natin, may presidenteng nanalo dahil sa pag-exploit ng kahinaan natin sa mga nakakaadik na substance na kung tutuusin, kung karamihan saten e hindi addicted sa kung anuman at nakakapag-isip nang maayos, hindi natin kelangan ma-impress sa sinumang pulitiko na isho-showcase yung abilidad nya na pahintuin yung adiksyon natin samantalang kaya naman natin yung baguhin sa mga sarili natin. Alam mo yung alam na nating yung mga personal nating problema pero ayaw nating tanggapin na kelangan pang maging pulitikal bago tayo mamulat.

Moving on, in comparison sa ibang nation sa kaka-browse ko na din ng mga alcoholic confessions at mga inspirational videos, mas malalim ang mga dahilan nila kung bakit humihinto sa pag-inom. Karamihan sa kanila ay hindi na umabot sa mga worst scenarios para magbago although madami din na naabot na yung sukdulan pero nakakakuha pa din ng second chance. Pero iba kase talaga ang Pinoy. One time, may nakakwentuhan ako tungkol sa kung paano namatay ang partner nya sa alcoholism at inamin nya kung ano yung naging mali nya. Tinolerate nya only because, "parang normal lang naman daw". Eto rin yung nangyari sa relative ko na sumakabilang buhay dahil sa kumplikasyon sa atay na tinolerate din ng pamilya nya lalo na ng asawa nya dahil nakakapagprovide naman. I mean dahil siguro sa pagiging 3rd world country natin na immune na tayo sa katoxican ng mga sitwasyon, nanormalize na natin yung mga negative na epekto ng pakikipagrelasyon sa isang "machong Pinoy" na kung behaved naman e sige ok lang. May mga post pa nga sa social media na ang reward ng asawa sa partner nyang matino naman ay ang payagang uminom o maglasing. Kase unlike sa mga first world country, ang isa sa common nilang concern e yung productivity. They are mainly about brain function sa mga kabuhayan nila and with alcohol, ang bilis makita ng epekto sa mga performance nila na nagtatranslate sa mga hindi nila kanais-nais na asal pag-uwi nila ng bahay. Ang mga Pinoy ay hindi naman lahat blue collared employees na madaming stress na dinadala from work. Karamihan saten ay "masa" na madaming time at may simpleng hanapbuhay. At dahil majority nga ng mga trabahador ay nasa parehong bracket ng mga hanapbuhay, hahanapin nila yung isa't isa at sa pamamagitan ng alak na pagsasaluhan para mararamdaman nilang hindi sila nag-iisa at madami silang may parehong mga pinagdadaanan. Bilang epekto, hindi na narerealize yung malalim pang epekto ng alak sa mental na aspeto dahil sa katwiran na bakit yung mga tropa nila e ayos lang naman. Ok na sila sa estado ng buhay nila at wala na sila gustong baguhin so wala na ring pressure sa pagbabago. So bakit pa nila iisipin yung pagbabago o innovation sa takbo ng buhay nila kung immune na sila sa kasakuluyang sitwasyon na mabuhay lang sa kasalukuyan at mairaos ang maghapon. Again, I'm talking about "masa", hindi ko nilalahat.

Ngayon, may mga intervention naman sa iba na nagiging reason ng paghinto nila sa pag-inom ng alak either napalapit sila sa diyos dahil naging Christian o Iglesia ni Kristo etc. Ang nakakatakot lang sa reason na to ng paghinto e, paano kung subukin na naman sila ng tadhana at may malaki na namang dagok na dumating sa buhay nila? Kekwestyunin nila yung pananampalataya nila at muli na naman silang babalik sa nakagawian. Although this is very effective sa setting ng Pinas na heavily religious at madami akong kilala na nakalaya sa bisyo dahil kay lord. Amen.

Pero bakit nga ba nahihirapang huminto sa pag-inom ng alak ang karamihan sa mga Pinoy? Kase generally, hindi naman kelangan huminto. May problema ba tayo sa alcoholism? Wala! Katulad nga ng nabanggit ko, walang alcoholic sa Pinas, moderate drinkers lang. At sabi nga ni dok, basta wag lang sobra. Mahalaga ba ang paghinto sa pag-inom ng alak? Hindi! A wise kainuman once said to me, "uminom ka lang pag masaya ka, wag pag may problema ka". E wala naman tayong problema e (karamihan ganito mindset). At kahit meron, hindi naman natin pinoproblema so umiinom tayo ng alak parati dahil masaya tayo. I guess simulan nating isipin at seryosohin yung mga problema natin at baka dun tayo magsimulang matauhan at maisip na may mas mainam pang gawin kesa maglasing. Baka dun lang tayo hihinto sa pag-inom ng alak.

Sa mga partner naman o kahit sinong nagmamahal (mapa-kapamilya o kaibigan) sa isang meron nang alcohol drinking disorder kung tawagin, wag nyo nang kunsintihin. Sang ayon naman ako sa occasional  na pag-inom na ok lang yun pero ang Pinoy ay hindi nawawalan ng okasyon. Kung walang okasyon, gagawa yan ng okasyon. Kung walang magawang okasyon, maghahanap yan ng may okasyon. Ang problema dito, wala sa mindset ng machong Pinoy na makinig at sumunod sa pagbabawal o restriksyon ng kahit sino lalo na ng opposite sex. So dahan dahan nilang imamanipulate hanggang madominate ang sinuman na nagtatangkang kumontrol sa kanila. Madalas nagtatagumpay sila pero sa huli, sila din naman ang talo.

Mga obserbasyon ko lamang ito at hindi ako specialist. Ang totoo, nasa proseso pa din ako ng paglaban sa toxic na alcohol at araw-araw kong isine-celebrate ang hindi pagtikim nito. Naisip ko, sa paghinto sa pag-inom ng alak, wag mong isipin yung future, isipin mo yung ngayon. Talunin mo yung tukso ng alak kada araw. Parang kadena kumbaga na araw-araw mong dinudugtungan hanggang makabuo ka na ng solid na tanikala na matibay at sya mong gagawing tulay patungo sa mga level up pang chapter ng buhay mo. Unlike sa alak na tanikalang igagapos mo sa sarili mo ang mabubuo mo, sa pag-quit ng alak, makakabuo ka ng daan tungo sa mas maayos pang bersyon ng pagkatao mo.

I keep pushing myself everyday to be a better person by starting from quitting alcohol na syang nagpalugmok saken. One day, babalikan ko ang mga isinulat ko dito at sasabihin kong hindi ako nagkamali sa desisyon ko. I still have friends na walang indikasyon ng paghinto sa alak and I still love them but I want to love them more once na buong buong na din yung pagmamahal ko sa sarili ko.

Going Strong and Still Undefeated! - My Alcohol Abstinence Journey

I gotta put this one in global language for my foreign friends. It's not my native tongue but I'll try my best.

In my previous posts, I shared about my reasons on why I decided to quit alcohol. If google translate failed to be precise, let me go through it really quick. It so happened that I succumbed to deep depression which I could’ve easily combated if only I didn’t count on alcohol. Such depression is mainly caused by recent break-up but variety of life problems also chipped in. As crazy as it sounds, as soon as I stepped into serious existential crisis, my alcoholism shoots up over the scale that I couldn’t control it anymore. Health problems arise but mental health did the most destruction. That morning when I woke up at the floor with my stuff scattered all around together with fucked up messages I sent to my ex, I said, I got enough…time to quit!

The tough part of quitting alcohol which I believe is nothing different with all kind of withdrawals from addiction, is the urge to do it again or just go straight on having relapse unconsciously. On my first 72 hrs of not having ethanol in my system, I tried to bargain to myself like what if I just take it to moderation? I mean quitting is so extreme and I may not be able to do it. But then the other side of my brain started to function a bit more normal and told me that I’ve already been alcoholic for a decade and it all started from being moderate up to being this extremely addicted. Like “am I really that loser already?” What an insult right? Then I went back to my facebook posts and saw how I tried to quit alcohol each year as a new year’s resolution but failed. I mean I’ve been just fooling myself all these times and when I’m gonna be serious about it? It already cost me relationships, career/jobs what else do I want to lose? The only thing that is left for me is my family whom still believes and still has a little respect for me. I still have friends but I’ve been hideous to them not until recently that I finally made it public that they showed support. I gotta redeem myself. I still care about people’s respect but I have to start respecting myself first. So, the first week was really tough and I’m kind of back and forth fighting on my demons who always want me to stick to my destructive habits. Believe it or not, each day is like a paper-thin chance of me not having to at least have sip of alcohol then I will dramatically maneuver till the urge is gone. I feel like I’m in Madmax where water is so scarce that even a sip is already a luxury but no! I should not have even a sip of alcohol and there’s no degree of self-negotiation that will compromise my goal to absolute abstinence to ethanol. I started to establish a tremendous mental toughness to fight the urge and day by day, I’m winning.

When the large chunk of memories of my past relationship are tied up to my environment and even a tiniest event reminds me of her, the urge to drink really emerge. (Friends, it may sound cringey to some and some even find it less masculine or exaggerated but each of us has their own battles and there’s no deep or shallow reason if the one who’s having it is already in deep burden in my opinion. I believe there’s a dynamic in people’s personal crisis from petty to severe which varies in each standards or norms. While some are strong enough to face their own struggles, some are still weak and I’m ashamed to admit that I’m one of the latter hence I’m working hard to be strong.) I’m no longer a child that will always give in to my “id” and I gotta do something especially in the midst of all the temptations. In my country, we’re not that accustomed to pubs or certain drinking places. I’m not saying we’re already that worst in the drinking addiction category but the people drinking are so visible that you can even see them in your peripheral vision e.g. under the tree, in front of mini stores and even in your social media walls. To fight these temptations, I can’t describe enough how hard I’m punishing myself everyday by working out e.g. cycling, jogging and home workouts (I’ll be hitting the gym soon) until I’m already gasping for breath. That gasping by the way is probably due to my lack of exercise for a long time which I know will disappear gradually as I go along this journey. Then I will go under the sun extensively to let that Vitamin D go through my system and help repair what alcohol already fucked up. With those regimen, I feel like oxygen finds its way again to my nervous system much better and my brain approves what I’m doing. I do that everyday while listening to Huberman or Goggins to name a few and I go like a well oiled machine.

I would do my house chores after a long day of work (on top of my daily workout) to consume all the energy that I’ve obtained from a minimal carbs that I intake until I’m already fully physically exhausted and my body is begging to rest and sleep. Alcohol has already messed up my sleep pattern but it’s getting back to normal and boy it’s so refreshing.  This has been my routine for more than two weeks now and I don’t have a plan to slow down until “I’m me again” or even surpass my former better self.

Consistency and discipline are the only things in question now and whether I’m hungry enough for this change or not is still yet to be answered. But each day is a promise of hope that I always eager to embrace and an opportunity to achieve my goal one step at a time. I gave myself 30 then 60 then 90 up to 365 days to prove to myself that I’m a man of action and I can beat this addiction that one day…I can stand and face people and show them that I made it, I won. I will not relapse and my mind is stronger than my desire. My family is always at my back especially my brother whom I cannot afford to disappoint. He’s my number one supporter and I’ve let him down many times but not this time.

To all who are going through this same crisis and also hungry for change to be a better version of themselves, come brothers and sisters and let’s all win this battle! Let’s keep going! No excuses! No relapse! We can do it!

Ayoko na uminom! - Alcohol Free Week 2 (#365_Days_Alcohol_Free_Challenge)

Pag nalalasing ako, CR ko at kama ko buong mundo. May pa-feeding program din ako sa mga itik at wala akong hiya. Pero nakakapagod din pala yung ganun. Gusto ko na magbago.

13 y/o pa lang ako nang unang makatikim ng alak pero kelan lang nang tuluyan akong magkaproblema sa sobrang pag-inom nito. May pagdugo na sa loob ng tiyan ko dahil sa acute gastritis. Ilang beses ko na din inakalang inaatake ako sa puso pero heartburn pala dahil sa acid. Pero sa kabila ng mga karamdaman na yan, wala ako balak na huminto sa pag-inom ng alak. Wala...hanggang nang nadepress ako at naranasan yung direktang epekto ng alak sa utak ko.

Dalawang linggo na nakakalipas nang makaramdam ako ng sobrang pagka-down. Umiinom kami nun ng utol ko (which was my last drinking session) nang bumuhos yung emosyon ko na parang eksena sa pelikula ni Baron Geisler. Hindi ko na nakayanan yung mga problemang dinadala ko at nung gabing yun balak ko talaga ay mamaalam lang sa utol ko kase gusto ko na umalis sa earth (seryoso). E nung tumaas na tama ko, natagpuan ko na lang ang sarili kong tumutulo ang luha habang nagpapaliwanag ang utol ko sa opinyon nya tungkol sa mga Pinoy na winalangya ng mga Intsik sa West Philippine Sea. Makabansa ako pero hindi ako para magreact ng ganun sa isang balita na wala namang personal na epekto sa akin. Dun na ako nabuko ng utol ko na may pinagdadaanan ako na mas seryoso kesa sa kinukwento nya. To make the long story short, nag-usap kami ng masinsinan at awkward man kase hindi naman kami lumaki nang ganun na parang drama-rama sa hapon, pinakinggan nya ko at pinayuhan. Bale idinetalye ko na din yung background story ng pagka-alcoholic ko sa link na to: Paano nga ba ako naging alcoholic? para di ka na mahirapang mag-marites. Pero ang purpose ko talaga sa journal na to ay maibahagi (realtime) yung mga pagbabago saken habang lumilipas yung mga araw na hindi ako lasing. E malay mo baka maisip mo rin na sabayan ako pero ihanda mo sarili mo. Kase kung kasingtindi na ng kaso ko ang pagka-alcoholic mo, so far, eto ang mga nararanasan ko. Basa!

Sa loob ng 24-48 hrs na walang alak sa sistema ko, ang una kong naramdaman ay yung hindi maipaliwang na lungkot at kawalan ng pag-asa. Tipong pakiramdam ko e basurang-basura ako at wala na akong space dito sa mundo. Anxiety na malala talaga. Mga ilang minuto akong nakatingin nun sa mga kabaong sa malapit na funeraria (kase di ba may salamin yung funeraria para makita mo yung mga kabaong sa loob para sa effective marketing) at para akong gago habang nakabilad sa araw. 24 hrs na ko walang tulog nun kase di ako nakakatulog pag di ako nakainom so parang pinapanawan na ko ng katinuan. Tapos sabi ko sa utol ko, "tol dyan muna ako sayo kase natatakot ako mag-isa". Cringey pakinggan pero maniwala ka saken o hindi, pag ang tao may sintomas na ng pagiging suicidal, walang baduy na dahilan kung bakit nya naiisip yun. Dahil gaano man kababaw sa tingin mo ang dahilan para perwisyuhin nung tao yung sarili nya? I-extend mo yung pag-unawa mo at tulungan mo yung tao kase naniniwala ka man sa mental health problem o hindi, ang huling bagay na hindi mo nanaisin mangyari ay ang mapahamak ang taong malapit sayo sa sarili din nyang kamay. Yun ay kung may malasakit ka. Anyway, nung araw na yun pagkatapos ng eksena sa funeraria, sinubukan kong matulog sa place ng kapatid ko. Paputol-putol na tulog pero at least meron kesa manatiling gising tapos tulog na forever pagkatapos di ba?

Bukod sa struggle sa tulog at extreme anxiety, wala din ako ganang kumain at medyo nanginginig kamay ko na para akong pasmado. Nang tumingin ako sa salamin, I looked like shit. Para akong zombie sa "World War Z" na nagngangalit ang ngipin. Halos ayaw ko na umalis sa place ng utol ko kase feeling ko tatalon ako sa tulay tapos babagsak ako sa NLEX (tulay yun sa Guiginto) dahil parang may bumubulong saken na ewan, hallucination! Yan yung mga naexperience ko kasama syempre ng pagsuka ng may kasamang dugo dahil sa acute gastritis ko.

Sa ika-tatlong araw, grabe na yung paghahanap ko ng alak. Para akong hayok na hayok na mawawalan ng malay pag di ako nakainom. So ang ginawa ko, uminom ako ng madaming tubig dahil hindi ko din maipaliwanag yung uhaw ko. Tubig lang ng tubig hanggang sa mahilo ako sa dami ng tubig na nainom ko. Nakakakain na ko nun ng ok pero ang dalas ko madumi. Almusal, tanghalian, hapunan magse-CR ako pagkatapos. Pero sa ikatlong araw nakakaramdam na ko ng improvement. Nung araw na yun, bumyahe kami ng utol ko pa-probinsya at parang first time na naexcite ako na makipag-usap sa tao. Hindi ako nakatulog sa buong byahe kahit halos wala akong tulog nung nagdaang araw kase kwento lang ako ng kwento sa utol ko na para bang miss na miss ko sya hanggang namalat na boses ko kakasalita. Weird! Pero at that point, feeling ko nagsstart na yung changes sa behaviour ko at nagsstart na ko makaramdam ng pagkagaan sa loob.

Nung nakita ko nanay ko, mga kapatid ko, mga pamangkin ko, para bang may kung anong pwersa na humambalos saken at nagsabing "Yan ba yung mga gusto mong iwan?". Hindi ko maexplain yung saya na para bang ilang dekada ko silang hindi nakita at namiss ko sila nang husto kahit hindi pa naman ganun katagal since last kami nagkasama-sama. Well most of the time pag kasama ko sila, lasing ako. Kaya siguro namiss ko sila ng husto. Ang ugali ko pa nun, pagdating na pagdating ko, iinom agad ako ng alak at yun yung temptation na kinalaban ko kaagad pagdating namin sa bahay.

4th day, umatake na naman yung anxiety ko. Natagpuan ko sarili ko na nakatulala sa terrace namin at iniisip nang malalim yung mga ala-ala ni "Michael Jordan" (itago na lang natin sya sa code name na yan). Yung tulog ko, installment pa din at panay pa din inom ko ng tubig. Mabuti na lang, sa probinsya ang daming prutas na nakatulong sa hydration ko at masarap sa pakiramdam na may mga sustansya na pumasok sa katawan ko. Usually kase after ko uminom ng alak, kung hindi lucky me beef e pares na puro vetsin at punong-puno ng kidney problems ang tinitira ko. Ang sarap kase ng maalat at masebo pag lasing or pag may hangover. Anyway, hindi ako nagsettle sa ganung pakiramdam. Sabi ko eto na yung perfect time para simulan ko yung mental toughness o tibay ng pag-iisip na kaya ko! Kaya kong talunin itong adiksyon na to. So kinuha ko ang bisekleta at nagbike ako hanggang parang malalagutan na ko ng hininga sa pagod. Napakasarap sa pakiramdam! Pero nagslow down ako kase parang mahihimatay na ko sa init. Heat stroke is real lalo na't ang tagal ko nang walang exercise.

Nakatulog ako ng mahimbing nung gabing yun dahil sa sobrang pagod at nagustuhan ko yun. So kinabukasan, nagbike ulet ako. Pero dahil wala pa sa kondisyon ang katawan ko at nagrerecover pa din, naaksidente ako. Laptrip at kahit may mga galos ako, tuloy lang hanggang hindi na ko makapedal kase masakit tuhod ko na naitukod ko nung nag-ala Jackie Chan ako sa pinagsemplangan ko. For a moment, nakalimutan ko ang alcohol at alam ko, achievement yun.

Kinabukasan, easter sunday at eto na yung kinatatakutan kong araw at dito masusubok kung talagang handa na ko i-give up ang alak. So pumunta kami ng dagat, family bonding kasama ang mga kababata at tropa kong 50% tao at 50% quatro kantos. Nang makita ko pa lang yung alak biglang nanuyo lalamunan ko. Panaka-nakang inaalok nila ako ng tagay pero syempre tumanggi ako. Pero deep inside naiimagine ko yung hagod ng alak sa lalamunan ko. Sumali pa din ako sa circle nila para dagdag challenge pero syempre palagi ako tumatanggi. Isang tropang totoo ang nag-inspire saken nung araw na yun. 4 years syang tumigil sa pag-inom at ineducate nya ko kung paano nya yun nagawa at talagang naimpress ako. Nirerespeto nya yung gusto kong mangyari sa katawan at isipan ko na lalong nagpatibay sa paninindigan ko na wag uminom. Nagkaproblema lang sila ng konti kase kung gaano ako kalakas magkwento e ganun din ako kalakas mamulutan. Nagmukbang ako sa beach nung araw na yun. Parang medyo kumapal yung mukha ko pero hindi sa alcohol kungdi dahil sa pamumulutan na walang habas. Mahalaga nasurvive ko yung araw na yun na wala kahit isang patak ng alcohol na pumasok sa sistema ko. Sobrang proud ko at isa yung milestone sa hangad ko na tuluyan nang magwithdraw sa alak.

Sa mga lumipas pang mga araw hanggang sa kasalukuyan, napapagtagumpayan ko pa din na wag uminom ng alak. Although after work, nasstress at andyan na naman yung nakagawiang tumagay, ibinabaling ko na lang sa ibang bagay. Nagjajogging ako, nagbabike at eto...nagsusulat. Naisusurvive ko yung maghapon doing things na matagal ko na dapat ginawa imbes na tumagay nang tumagay. Mas naging matalas na yung pag-iisip ko ngayon athough hindi ko pa rin kayang i-solve ang algebra at least naiisip ko na yung tama. May anxiety pa din at umaatake pa din pero hindi na malala at natatalo ko na. Hindi pa din perfect kase natutulala pa din ako pagmiminsan. Pero mahalaga hindi nauuwi sa pagbukas ng bote ng serbesa.

Hanggang dito na lang muna at bilang pagtatapos ng post na to, hayaan niyong sabihin ko na salamat kase nagawi kayo dito. Lumalaban pa din ako sa araw-araw at 2 weeks pa lang akong sober. Pero yung ambisyon ko na itawid ito hanggang sa ika-365 days ay sadyang ganun ka-strong. 365 days pag kinaya ko yan, kaya kong ituloy-tuloy yan hanggang sa tuluyan na akong maging alcohol-free for life. For now, itatawid ko muna to for a month then another month and another month at wala akong plano na i-dissapoint lalo na yung mga naniniwala saken. Message nyo ko kung nagdadaan kayo sa parehong isyu at gusto nyo magshare or kung magsstart pa lang kayo huminto, siguro pwede tayo magkwentuhan at magtulungan. 

FB: @reyner561 

TG: @rvyner

IG: @rxv561

See you again. :)