Sunday, October 5, 2014

7 Nakakapraning na Pamahiin sa Pilipinas

Sa digital age na kung saan, kahit mga lolo't lola ay nagpe-facebook na rin at gumagamit ng monopad pag nagseselfie, maniniwala pa ba tayo sa mga pamahiin na to? Eto ang mga nakakapraning na mga pamahiin sa Pilipinas tungkol sa relasyon,kasal at pag-aasawa na palagay ko ay epekto ng kung anumang herbal na tinira ng mga ninuno natin nung unang panahon.

1. Kung concern ka sa gustong makapag-asawa, huwag magligpit ng pinagkainan hangga't hindi pa tapos kumain ang lahat. Hindi makapag-a-asawa ang taong naiwan.

Ano ang nangyari kay Kris Aquino? Sigurado tayong hindi sya naiwang kumakain habang nililigpit ang hapag-kainan nila dahil konti na lang ay mabubuo na nya ang letters ng alphabet sa mga napangasawa at nakarelasyon nya. Pero ngayon ay wala syang asawa. Nirequest nya bang iligpit ang hapag-kainan habang kumakain pa sya? Sa kabilang banda, may nagligpit ba agad ng mesa habang kumakain pa si Noynoy? May misteryo ang pamahiin na to.

2. Huwag hayaang mahulog ang belo at aras, higit lalo ang mga singsing bago ito maisuot ng ikakasal sapagkat magdudulot daw ito ng kamalasan sa buhay ng bagong mag-asawa.

Yung sa singsing na lang. Isinasuggest ng pamahiin na to na wag maging pasmado ang kamay. Kaya sa mga teenagers na lalaki, wag maghuhugas ng kamay pagkatapos mag......

3. Ang pagbibigay ng arinola ay sinasabing magbibigay ng swerte sa bagong kasal.

Seriously? Siguro, kung gagamitin ang arinola pag walang mabilis na paraan para makapag-CR ay swerte talaga ito dahil makakaiwas ang mag-asawa sa UTI.

4.  Pwede mong regaluhan ng panyo ang iyong kasintahan, pero lagi siyang iiyak. 

So kung trip mo na regaluhan sya ng panyo, bakit di mo na lang sya suplayan ng tissue paper. Pareho lang ng function sa panyo pero hindi sya panyo, di ba? Ngayon kung ayaw mo talaga umiyak ang kasintahan mo.....................idelete mo facebook account mo.

5. Kapag umulan sa araw ng kanilang kasal, ang mag-asawa ay magkakaroon ng mga iyaking anak.

Tips para sa mga guys. Tanungin ang nililigawan kung anung season nang kinasal parents nya. Bakit kamo? Una, kung tag-ulan kinasal parents nya at maging kayo, may chance na active ang tear gland ng babaing yan at di mo magugustuhan na iwanan ang CP mo na hindi nakasilent at walang lock sa harap nya. Pangalawa, kung hindi naman rainy season kinasal parents ni girl at naging kayo at lagi syang umiiyak sa piling mo, ibig sabihin, hindi ka babaero, nagsinungaling lang talaga si girl. May habagat nung kinasal ang parents nya.

6. Wag magpapalit o kakain sa dalawang plato. Dalawa ang magiging asawa mo.

In the first place, bakit ka kakain sa dalawang plato? Masyado na bang mura ang Joy Dishwashing Liquid? May dishwasher ba kayo? Si Geneva Cruz ba ay kumain sa dalawang plato? Oo, pati si Kris Aquino (ayaw tantanan si Kris Aquino e nu? Hahaha...). Kung kuntento ka sa isang bagay at well served naman ang purpose ng bagay na yun sayo, bakit mo pa papalitan? At kung hindi ka ganid o greedy, bakit mo pagsasabayin ang dalawang bagay na pwede namang isa lang. Make sense.

7. Ang isang biyuda na hinaplos ang mukha ng kanyang patay na asawa,ay siguradong mag-aasawa muli.

So kung si Mahal ay sabihin nating nakatuluyan si Jimboy at sa di inaasahang pangyayari ay nadedo si Jimboy at hinaplos ni Mahal ang mukha ni Jimboy, sa tingin mo? Ito bang pamahiin na to ay:
a. nagbibigay ng kumpyansa
b. isang hamon o pagsubok
c. all of the above

Share