Isa sa mga gusto kong gawin pag maulan? Gumawa ng tula. Heto ang isa sa mga tulang nagawa ko ngayong maulang umaga ng Linggo:
ULAN
hindi sumikat ang araw ngayong umagang ito
siguro'y nahiya dahil sa ganda ng ngiti mo
kahit gaano man kaganda ang umagang may liwanag ng araw
mas gugustuhin kong magising na maulan at ikaw ang kaulayaw
sa bawat pagpatak ng ulang tikatik
pusong kong hawak mo'y tuloy ang pagpintig
parang champoradong kahit ubod ng init
pilit nating pagsasaluhan katulad ng pag-ibig
hindi tayo maiinis, hindi tayo magagalit
magiging masaya tayo, umulan man o uminit
kahit anong panahon, ikaw lang ang mamahalin
at kahit anong panahon, ikaw lang ang susuyuin
sa loob ng mga ulap, doon ay nagkukulong
ang luha ng langit na papatak sating bubong
sa sandaling dumating na ang hagupit ng ulan
magiging payong mo ang pag-ibig kong walang hanggan
lahat ng tag-ulan ay walang kasing sarap
kung ang taong mahal mo ang kapiling at kayakap
sa gitna ng tag ula'y bumubuo ng pangarap
at kahit bumaha pa'y hinding hindi matitinag
